Իրաքի վարչապետ Մուհամմադ Աս-Սուդանին հայտարարել է, որ Իրաքը չի ստացել որևէ ցուցում կամ զեկուցում այն մասին, որ Իրանն անօդաչու թռչող սարքերն Իսրայելի ուղղությամբ արձակել է Իրաքի տարածքից:
«Մեր դիրքորոշումը հստակ է և մենք թույլ չենք տա, որ Իրաքը հակամարտությունների գոտի դառնա»,- հայտարարության մեջ նշել է Իրաքի վարչապետը:
Հիշեցնենք, որ անցյալ շաբաթ Իրանն ավելի քան 300 անօդաչու թռչող սարք և հրթիռներ էր արձակել Իսրայելի ուղղությամբ՝ ի պատասխան Դամասկոսում Իրանի հյուպատոսության վրա Իսրայելի ավիահարվածների, որի հետևանքով սպանվել էին իրանիցի բարձրաստիճան զինվորականներ:
Հաղորդվել է, որ Իրանի հարձակումն աննախադեպ էր այն առումով, որ հրթիռներն ու ԱԹՍ-երը արձակվել են ոչ միայն Իրանի, այլ Լիբանանի և Իրաքի տարածքից:
Հետևեք մեզ տելեգրամում
