Թուրքական ավիաուղիները (Turkish Airlines) պատրաստվում է ՝ մոտ 20 մլրդ դոլար արժողությամբ համաձայնագիր կնքել Rolls-Royce-ի և Airbus-ի հետ՝ Թուրքիայում ավիացիոն բաղադրիչներ արտադրելու համար։ Այս մասին հայտնում է Bloomberg-ը՝ վկայակոչելով իրազեկ աղբյուրներին։
Գործակալության զրուցակիցների խոսքով՝ կողմերը գործարքի մասին կհայտարարեն ավելի ուշ՝ ապրիլին։
Դեկտեմբերին թուրքական ավիաընկերությունը, որի բաժնեմասերի մեծ մասը պետությունն է, պատվիրել է գնել շուրջ 70 մլրդ դոլար արժողությամբ 230 Airbus ինքնաթիռ՝ հետագայում լրացուցիչ ինքնաթիռներ ձեռք բերելու հնարավորությամբ։ Turkish Airlines-ը ձգտում է զարգացնել Ստամբուլի իր ցանցը և ավելի լավ մրցակցել տարածաշրջանային այլ ավիաընկերությունների հետ, ինչպիսիք են Emirates-ը և Qatar Airways-ը:
Ինչպես նշում են Bloomberg-ի աղբյուրները, պատվերի շրջանակներում Թուրքիան պնդել է տեղայնացնել ինքնաթիռների որոշ մասերի արտադրությունը, ինչը Թուրքիայի համար կարևոր է քաղաքացիական և ռազմական ավիացիոն արդյունաբերությունը զարգացնելու համար։
Հետևեք մեզ տելեգրամում
