Եթե «սիոնիստական ռեժիմը» ցանկանա հարձակում գործել մեր միջուկային կենտրոնների վրա, մեր արձագանքին կարժանանա։ Այս մասին հայտարարել է ԻՀՊԿ միջուկային օբյեկտների պաշտպանության կորպուսի հրամանատար Ահմադ Հաղթալաբը:
Հրամանատարի խոսքով՝ Իսրայելից հնչող սպառնալիքները այսօրվա կամ երեկվա չեն, դրանց դիմակայելուն Իրանը միշտ պատրաստ է եղել:Ահմադ Հաղթալաբը հավելել է, որ Իրանը բացահայտել է Իսրայելի միջուկային օբյեկտները և բոլոր թիրախների վերաբերյալ անհրաժեշտ տեղեկատվություն ունի։
«Այլ կերպ ասած, նրանց հավանական հարձակմանը պատասխանելու համար մեր ձեռքերը հզոր հրթիռներ արձակելու ձգանի վրա են՝ որոշարկված թիրախները ոչնչացնելու նպատակով»,- հայտարարել է իրանցի զինվորականը:
Նա հայտարարել է, որ եթե Իսրայելը հարձակում գործի Իրանի միջուկային կենտրոնների վրա, ապա արձագանքի կարժանանա։
«Եթե սիոնիստական կեղծ վարչակարգը ցանկանում է մեր երկրի միջուկային կենտրոնների վրա հարձակվելու սպառնալիքըն օգտագործել որպես Իրանի վրա ճնշում գործադրելու գործիք, հնարավոր է Իրանը վերանայի իր միջուկային քաղաքականությունն ու դոկտրինը և նախկինում հայտարարած նկատառումները»,- շեշտել է ԻՀՊԿ հրամանատարը:
Հետևեք մեզ տելեգրամում
