Իսրայելի ռազմական հետախուզության ղեկավարն այսօր հրաժարական է տվել, քանի որ վարչապետ Բենիամին Նեթանյահուն չի պատրաստվում առաջիկայում դադարեցնել պատերազմը Գազայում: Նման տեսակետ է հայտնել իսրայելական «Haaretz» հեղինակավոր թերթի նախկին հոդվածագիր, փորձագետ Ակիվա Էլդարը:
Նրա խոսքով՝ Նեթանյահուն «շահագրգիռ չէ գերիներին Իսրայել վերադարձնելու հարցում»:
Փորձագետը հավելել է, որ Նեթանյահուն երբեք պատասխանատվություն չի ստանձնել ՀԱՄԱՍ-ի հարձակման համար, ուստի ռազմական հետախուզության ղեկավարն անձնական ուղերձ է հղել՝ ասելով, որ «եթե ես կարող եմ դա անել, դու ևս կարող ես»:
Հոդվածագիրը պնդել է, որ հրաժարականը կաշխուժացնի երկրում հակակառավարական բողոքները՝ միաժամանակ ավելի մեծ ճնշում գործադրելով ռազմական կաբինետի անդամներ Բենի Գանցի և Գադի Էյզենկոտի վրա:
Հիշեցնենք, որ այսօր Իսրայելի ռազմական հետախուզության ղեկավար Ահարոն Հալիվան հրաժարական է տվել հոկտեմբերի 7-ին ՀԱՄԱՍ-ի հարձակման հետ կապված ձախողումների պատճառով:
Հետևեք մեզ տելեգրամում
