Եգիպտոսի բարձրաստիճան պատվիրակությունն այսօր մեկնել է Իսրայել՝ Գազայի հատվածում հրադադար հաստատելու ակնկալիքով:
Ինչպես հաղորդում է Al Arabiya-ն, եգիպտական պատվիրակությունը գլխավորում է այդ երկրի հետախուզության բարձրաստիճան պաշտոնյա Աբբաս Քամելը: Նախատեսվում է իսրայելական կողմի հետ քննարկել Գազայում հրադադարի երկարաձգման հնարավորությունները, մասնավորապես ՀԱՄԱՍ-ի կողմից պահվող իսրայելցի որոշակի թվով պատանդների փոխանակումը դարձյալ որոշակի թվով պաղեստինցի բանտարկյալների հետ:
Ակնկալվում է, որ բանակցությունները կշարունակվեն, որի վերջնանպատակը պատերազմը դադարեցնելն է:
Մանրամասներ ներկայացնող պաշտոնյան, ով ցանկացել է անանուն մնալ, շեշտել է, որ միջնորդներն աշխատում են փոխզիջման այնպիսի տարբերակի վրա, որը կհամապատասխանի երկու կողմերի հիմնական պահանջներին։
Նշենք, որ ՀԱՄԱՍ-ը հայտարարել է, թե չի նահանջելու մշտական հրադադարի և իսրայելական զորքերի լիակատար դուրսբերման իր պահանջներից, որոնք, սակայն, Իսրայելը մերժել է: Իսրայելն իր հերթին հայտարարել է, որ կշարունակի ռազմական գործողություններն այնքան ժամանակ, քանի դեռ ՀԱՄԱՍ-ը չի ջախջախել:
Հետևեք մեզ տելեգրամում
