ԱՄՆ-ը չի կարծում, որ այն, ինչ տեղի է ունենում Գազայում, ցեղասպանություն է: Այս մասին ասել է ԱՄՆ ազգային անվտանգության հարցերով խորհրդական Ջեյք Սալիվանը:
«Մենք կարծում ենք, որ Իսրայելը կարող է և պետք է անի ավելին՝ ապահովելու անմեղ քաղաքացիների պաշտպանությունն ու բարեկեցությունը: Չենք կարծում, որ այն, ինչ կատարվում է Գազայում, ցեղասպանություն է»,- ասել է Սալիվանը:
Լրագրողների հետ զրույցում Սալիվանը հավելել է, որ Միացյալ Նահանգները ցանկանում է տեսնել ՀԱՄԱՍ-ի պարտությունը, սակայն զգուշացրել է, որ պաղեստինցի խաղաղ բնակիչներն իսկապես «դժոխքում են»: Նա նաև վերահաստատել է Բայդենի վարչակազմի դիրքորոշումը, որը դեմ է Ռաֆահում Իսրայելի կողմից ռազմական որևէ գործողության իրականացման:
Սալիվանը նշել է, որ ԱՄՆ-ն անհանգստացած է Ռաֆահում Իսրայելի ներխուժմամբ, քանի որ վերջինս հաշվի չի առել՝ ինչն է լինելու «հաջորդը»:
Հետևեք մեզ տելեգրամում
