Իրանում կորոնավիրուսի պատճառով արգելվել է երթևեկությունը երկրի ներսում: Այս մասին հայտնել է Իրանում ազգային շտաբի ներկայացուցիչ Հոսեին Զոլֆագարիին:
«Այս ծրագիրը նախատեսում է, որ այս կամ այն քաղաք կարող են վերադառնալ այն մարդիկ, որոնք բնակվում են այդ քաղաքներում: Այդ քաղաքում չբնակվող քաղաքացուն չի թույլատրվելու քաղաք մտնել»,- ասել է պաշտոնյան:
Ճանապարհին գտնվողները պետք է վերադառնան իրենց քաղաքներն առանց կանգառների:
Նշենք, որ սահմանափակումները վերաբերում են ուղևորատար երկաթուղուն, ավտոմոբիլներին և ավիափոխադրումներին:
2019 թվականի դեկտեմբերի 31-ին, Չինաստանի իշխանությունները հայտարարեցին Յուհան քաղաքում բռնկված թոքաբորբի մասին: Հիվանդության հարուցիչը կորոնավիրուսի նոր տեսակ է, որը պաշտոնապես կոչվում է COVID-19: Մարտի 11-ին Առողջապահության համաշխարհային կազմակերպությունը (ԱՀԿ) հայտարարեց նոր կորոնավիրուսային պանդեմիայի բռնկման մասին:
Հետևեք մեզ տելեգրամում
