ՀԱՄԱՍ-ի առաջնորդ Իսմայիլ Հանիեի սպանությունը կարող է վտանգի տակ դնել Գազայում հրադադար ապահովելու ջանքերը: Այս մասին հայտարարել է Կատարի վարչապետ շեյխ Մուհամմադ բին Աբդուլռահման Ալ-Թանին X-ում:
«Քաղաքական սպանությունները և Գազայում խաղաղ բնակչության շարունակական թիրախավորումը, քանի դեռ բանակցությունները շարունակվում են, մեզ ստիպում են հարց ուղղել՝ ինչպե՞ս կարող է միջնորդությունը հաջողության հասնել, երբ մի կողմը սպանում է բանակցողին»,- X-ում գրել է Կատարի վարչապետը:
«Խաղաղության համար անհրաժեշտ են լուրջ գործընկերներ և մարդկային կյանքի անտեսման դեմ գլոբալ դիրքորոշում»,- շարունակել է Ալ-Թանին:
Նշենք, որ ՀԱՄԱՍ-ի և Իսրայելի միջև պատերազմի մեկնարկից ի վեր Կատարը, ինչպես նաև ԱՄՆ-ը և Եգիպտոսը միջնորդական ջանքեր են իրականացրել Գազայում հրադադարի հաստատման ուղղությամբ:
Հետևեք մեզ տելեգրամում
