Հանիյեն կհուղարկավորվի Կատարում

Թեհրանում հուղարկավորության արարողությունից հետո ՀԱՄԱՍ-ի առաջնորդ Իսմայիլ Հանիեի մարմինը կտեղափոխվի Դոհա: Այս մասին հաղորդագրութուն է տարածել ՀԱՄԱՍ-ը՝ Telegram-ի իր ալիքում:

Հաղորդագրության համաձայն՝ Հանիյեին կհուղարկավորեն ուրբաթ՝ օգոստոսի 2-ին Կատարի մայրաքաղաքում:

Ավելի վաղ հաղորդել էինք, որ այսօր գիշերը ժամը 2:00-ին Թեհրանում սպանվել է ՀԱՄԱՍ-ի քաղբյուրոյի ղեկավար Իսմայիլ Հանիեն: Նա Թեհրան էր ժամանել՝ մասնակցելու Իրանի նորընտիր նախագահ Մասուդ Փեզեշքիանի երդմնակալության արարողությանը: ՀԱՄԱՍ-ը և իրանական կողմը սպանության պատասխանատու են տեսնում Իսրայելին: Իսրայելական կողմը պաշտոնական որևէ մեկնաբանություն չի կատարել այս միջադեպի առնչությամբ: