Թուրքիայի պաշտպանության նախարար Յաշար Գյուլերը Սիրիայից թուրքական զորքերի դուրսբերման հնարավորությունը կապել է այդ երկրի նոր սահմանադրության ընդունման և ընդհանուր սահմանի անվտանգության ապահովման հետ։
«Մենք պատրաստ ենք հնարավոր աջակցություն ցուցաբերել համապարփակ սահմանադրության ընդունմանը, ազատ ընտրությունների անցկացմանը, մթնոլորտի նորմալացման ու համապարփակ անվտանգության ստեղծմանը, և միայն այն ժամանակ, երբ դա արվի, և մեր սահմանի անվտանգությունը լիովին ապահովվի, մենք կանենք ամեն անհրաժեշտը՝ փոխհամակարգման շրջանակներում»,-ասել է նախարարը Reuters-ին տված գրավոր հարցազրույցում՝ պատասխանելով Սիրիայից թուրքական զորքերի դուրսբերման հնարավորության մասին հարցին։
Հիշեցնենք, որ Թուրքիան Սիրիայում իրականացված մի շարք խոշոր ռազմական գործողություններից հետո այդ երկրի հյուսիսի մի մասը պահում է փաստացի օկուպացման տակ։
Հետևեք մեզ տելեգրամում
