Միացյալ Նահանգները կիսում է ԵԱՀԿ Ժողովրդավարական հաստատությունների և մարդու իրավունքների գրասենյակի (ԺՀՄԻԳ) մտահոգությունները՝ կապված սեպտեմբերի 1-ին Ադրբեջանում տեղի ունեցած ընտրությունների հետ: Այս մասին մամուլի ասուլիսում ասել է ԱՄՆ Պետդեպարտամենտի խոսնակ Մեթյու Միլլերը։
«Մենք կիսում ենք ԵԱՀԿ ժողովրդավարական ինստիտուտների և մարդու իրավունքների դիտորդական առաքելությունների դիտարկումներն ու մտահոգությունները՝ կապված սեպտեմբերի 1-ին Ադրբեջանում կայացած խորհրդարանական ընտրությունների հետ։
Կոչ ենք անում Ադրբեջանին կատարել ԵԱՀԿ նախկին հանձնարարականները, ինչպես նաև այն առաջարկությունները, որոնք մենք հասկանում ենք, որ կընդունվեն մոտ ապագայում, և ապահովել ժողովրդի հիմնարար ազատությունները՝ համաձայն սահմանադրության և միջազգային պարտավորությունների»,- ասել է Միլլերը:
Հիշեցնենք՝ ԵԱՀԿ/ԺՀՄԻԳ դիտորդական առաքելության դիտորդները հայտարարել են, որ ընտրությունները մրցակցային չեն եղել՝ հիմնարար ազատությունների խախտումներով։
Հետևեք մեզ տելեգրամում
