Նիդեռլանդների նախկին վարչապետ Մարկ Ռյուտեն այսօր Բրյուսելում, ՆԱՏՕ-ի կենտրոնակայանում տեղի ունեցած արարողության ժամանակ ստանձնեց դաշինքի ղեկավարի պաշտոնը:
Ռյուտեն այս պաշտոնում կփոխարինի Յենս Ստոլտենբերգին, որը ղեկավարում էր ՆԱՏՕ-ն տասը տարի:
ՆԱՏՕ-ի ներկայացուցիչները և դիվանագետները ակնկալում են, որ Ռյուտեն կշարունակի Ստոլտենբերգի կողմից նախանշված ուղղությունները՝ աջակցելով Ուկրաինային, դրդելով անդամ երկրներին ավելացնել պաշտպանական ծախսերը և ամրապնդել ԱՄՆ-ի մասնակցությունը եվրոպական անվտանգությանը:
Ավելի վաղ իր հրաժեշտի խոսքում Ստոլտենբերգը նախազգուշացրել է, որ ռազմական դաշինքի անդամները կարող են հայտնվել «մեկուսացման» վտանգի մեջ և ընդգծել, որ ՆԱՏՕ-ի 32 անդամները Ռուսաստանի հետ առճակատման պայմաններում «պետք է պատրաստ լինեն վճարել խաղաղության համար»:
Հետևեք մեզ տելեգրամում
