Իսրայելի առողջապահության նախարար Յակով Լիցմանը և նրա կինը վարակվել են կորոնավիրուսով։ Նախարարն ու նրա կինն իրենց լավ են զգում, նրանք բուժում են ստանում տնային պայմաններում։ Լիցմանը շարունակում է աշխատել տանից՝ սովորական աշխատանքային գրաֆիկով։
Վերջին երկու շաբաթվա ընթացքում նախարարի հետ շփում ունեցած բոլոր անձինք նույնպես մեկուսացվել են իրենց տներում։ Ինքնամեկուսացվողների թվում են նաև Իսրայելի Անվտանգության խորհրդի ղեկավար Մեիր Բեն Շաբբաթը և Մոսսադի ղեկավար Յոսի Կոենը։
Ավելի վաղ ինքնամեկուսացվել էր նաև Իսրայելի վարչապետ Բենիամին Նաթանյահուն՝ այն բանից հետո, երբ նրա խորհրդական Ռիվկա Պալուխի մոտ կորոնավիրուս էր հայտնաբերվել։
Հետևեք մեզ տելեգրամում
