Ապրիլի 2-ին ժամը 11։00-ի դրությամբ Հայաստանում կորոնավիրուսի հաստատված դեպքերի թիվը հասել է 663։ Այս մասին տեղեկացնում է Հիվանդությունների վերահսկման և կանխարգելման ազգային կենտրոնը։ Անցած 24 ժամում 92 նոր դեպք է արձանագրվել։
Վերջին օրվա ընթացքում առողջացել է 2 անձ, բուժվածների ընդհանուր թիվը կազմել է 33։ Այս պահին փաստացի բուժում ստացողները 626-ն են։ Կատարված թեստերից 2940-ը բացասական արդյունք են տվել, իսկ կորոնավիրուսով պայմանավորված մահվան դեպքերի թիվը հասել է 4-ի։
Նոր դեպքերի գերակշիռ մասը փոխկապակցված են նախկինում հաստատված դեպքերի հետ, ինչպես նաև կան նոր դեպքեր արտերկրից Հայաստան վերադարձած քաղաքացիների մոտ:
Հետևեք մեզ տելեգրամում
