Իրանի նախագահ Մասուդ Փեզեշքիանը հեռախոսազրույց է ունեցել Ֆրանսիայի նախագահ Էմանուել Մակրոնի հետ։ Տեղեկությունը հայտնում է Իրանի նախագահի գրասենյակը:
Հեռախոսազրույցի ընթացքում կողմերը քննարկել են տարածաշրջանում վերջին զարգացումները, մասնավորապես Լիբանանի հարավում ճգնաժամի սրման հետ կապված հարցերը։
Իրանի նախագահը շեշտել է, որ Թեհրանը պատրաստ է աջակցել է տարածաշրջանում խաղաղության և կայունության հաստատմանն ուղղված ցանկացած առաջարկի։ Նա Մակրոնին կոչ է արել, որ եվրոպական մյուս երկների ղեկավարների հետ միասին շարունակեն իրենց ջանքերը՝ Իսրայելին ստիպելու դադարեցնել «ցեղասպանությունն» ու հանցագործությունները Գազայում և Լիբանանում։
Փեզեշքյանը նաև դրական է գնահատել Ֆրանսիայի կառավարության վերջին դիրքորոշումները՝ Իսրայելի գործողությունների դատապարտման և այդ ռեժիմին զենքի մատակարարման դադարեցման վերաբերյալ։
Հետևեք մեզ տելեգրամում
