«Դրանք Գվարամիայի երազներն են». Վրաստանի վարչապետը՝ հանրային վերջին հարցման մասին

Վրաստանի վարչապետ, իշխող կուսակցության նախընտրական շտաբի ղեկավար Իրակլի Կոբախիձեն անդրադարձել է «Մթավարի արխիի» հրապարակած ցուցակներին՝ դրանք որակելով որպես «Գվարամիայի երազներ»։

Ընդդիմադիր կողմի արդյունքների հետ համամիտ չէ նաև նախկին նախագահ Միխեիլ Սաակաշվիլին։ Նա գրել է, որ «Միացյալ ազգային շարժումը» ընդդիմադիր ուժերի շարքում ամուր առաջինն է։

Ավելի վաղ հաղորդել էինք, որ բրիտանական SAVANTA ընկերությունը հանրային հարցում է իրականացրել Վրաստանում խորհրդարանական ընտրություններից առաջ: 

Կուսակցությունների վարկանիշն ըստ հարցման հետևյալն է՝

•«Վրացական երազանք» -36%,
•«Հանուն փոփոխությունների կոալիցիա» («Ախալի», «Դրոա», «Գիրչի») – 18%,
•«Միասնություն» («Միացյալ ազգային շարժում», «Աղմաշենեբելիի ռազմավարություն», «Եվրոպական Վրաստան»)-14%,
•«Գախարիան՝ Վրաստանի համար» -10%,
•«Ուժեղ Վրաստան» («Լելոն Վրաստանի համար», «Ժողովրդի համար», «Ազատության հրապարակ» և «Քաղաքացիներ») – 8%: