Թուրքիայի նախագահ Ռեջեփ Թայիփ Էրդողանը կարող է մի շարք կաբինետի վերադասավորումներ կատարել, այդ թվում՝ փոխել ներքին գործերի և արդարադատության նախարարությունների ղեկավարներին, գրում է թուրքական ընդդիմադիր Sözçü թերթը։
Նախարարների կաբինետում վերադասավորումների հնարավորության մասին հայտարարել է Էրդողանը բալկանյան շրջագայությունից վերադառնալուն պես՝ ինքնաթիռում լրագրողների հետ զրույցում։ Նա, սակայն, չի հստակեցրել, թե որ ոլորտների ու նախարարների մասին է խոսքը։
Թուրքիայի կառավարությունը դեռ պաշտոնապես չի մեկնաբանել այս հրապարակումները։ Այնուամենայնիվ, իշխանամետ հրապարակումները նախապես հայտարարեցին իշխող «Արդարություն և զարգացում» կուսակցությունում և կառավարության կազմում փոփոխությունների մասին:
Հետևեք մեզ տելեգրամում
