Հայաստանում ապրիլի 6-ի առավոտվա դրությամբ կորոնավիրուսով վարակի դեպքերի թիվը հասել է 833 -ի՝ նախորդ օրվա համեմատ ավելանալով 11-ով: Այդ մասին ֆեյսբուքյան ուղիղ եթերով տեղեկացրել է վարչապետ Նիկոլ Փաշինյանը:
Նա նշել է, որ ապրիլի 5-ին անցկացված 263 թեստից միայն 11 մարդու մոտ է կորոնավիրուսը հաստատվել:
Փաշինյանը հայտնել է նաև մահվան 1 դեպքի մասին՝ 68-ամյա քաղաքացին երկկողմանի թոքաբորբ է ունեցել` զուգորդվող հիվանդություններով։
Նա նշել է նաև, որ եթե այս հուսադրող տեմպը պահպանվի, գուցե հնարավոր լինի մեկ շաբաթ անց մեղմացնել սահմանափակումները։ Վարչապետը կոչ է արել եկող մեկ շաբաթվա ընթացքում ևս խստորեն պահպանել պարետատան բոլոր պահանջները և առավել նախանձախնդիր լինել։
Ընդհանուր առմամբ, մահվան ելքով 8 դեպք է գրանցվել, 62 հոգի բուժվել է։
Հետևեք մեզ տելեգրամում
