ԵԱՏՄ-ն և ԱՄԷ-ն ավարտել են տնտեսական գործընկերության համաձայնագրի կնքման շուրջ բանակցությունները

Եվրասիական տնտեսական հանձնաժողովի առևտրի նախարար Անդրեյ Սլեպնևը և Արաբական Միացյալ Էմիրությունների արտաքին առևտրի հարցերով պետնախարար Թանի բեն Ահմեդ Ալ Զեյուդին հայտարարել են տնտեսական գործընկերության համաձայնագրի շուրջ բանակցությունների ավարտի մասին։ Այս մասին հայտնում են ԵՏՄ մամուլի ծառայությունից։

Սլեպնևը նշել է, որ ԱՄԷ-ի հետ համաձայնագիրը կարևոր հանգրվան է՝ հաշվի առնելով երկրի դերը՝ որպես տարածաշրջանում համաշխարհային կենտրոն:

«Համաձայնագիրը լրացուցիչ խթան կհաղորդի մեր երկրների միջև առևտրին, որն արդեն իսկ աննախադեպ աճ է գրանցում, ինչպես նաև համակարգված հիմք կստեղծի համագործակցային կապերի զարգացման համար»,-ասել է Անդրեյ Սլեպնևը։

Ալ Զեյուդիի խոսքով, տնտեսական գործընկերության համաձայնագրի շուրջ բանակցությունների ավարտը կխորացնի ԵԱՏՄ-ԱՄԷ փոխգործակցությունը և թույլ կտա զարգացնել բազմաթիվ սիներգիաներ։

Նշենք, որ համաձայնագիրը մինչև ստորագրումը պետք է անցնի համապատասխան ներքին պետական ​​հաստատման ընթացակարգեր։

ԱՄԷ-ի հետ բանակցություններ սկսելու մասին որոշումը Եվրասիական բարձրագույն տնտեսական խորհուրդն ընդունել է 2022 թվականի դեկտեմբերին։ 2023 և 2024 թվականներին տեղի է ունեցել բանակցային չորս փուլ։