Իրանի պետական հեռուստատեսությունը հայտնել է, որ Հորմուզի նեղուցի հարավային հատվածում նավթային տանկերը հարվածել է երկու ծովային ականի և հրդեհվել։
Ըստ Իրանի Իսլամական հեղափոխության պահապանների կորպուսի՝ նավը փորձել է «անօրինական կերպով» անցնել նեղուցով։ Կորպուսը տանկերի և անձնակազմի վերաբերյալ տեղեկություններ չի տրամադրել։
ԻՀՊԿ-ն նաև ընդգծել է, որ Հորմուզի նեղուցով անցնող մյուս նավերը ևս պետք է պահպանեն Իրանի սահմանած անվտանգության կանոնները, հակառակ դեպքում կարող են բախվել նմանատիպ հետևանքների։
Հիշեցնենք, որ Իրանը շարունակում է պնդել, որ Հորմուզի նեղուցով անցնելու համար նավերը պետք է հետևեն Իրանի սահմանած կարգավորումներին:
Հետևեք մեզ տելեգրամում
