Իսրայելը պետք է պատրաստվի Թուրքիայի հետ հնարավոր ռազմական գործողությունների։ Այս մասին հայտնում է The Jerusalem Post թերթը՝ հղում անելով Նագելի կոմիտեի զեկույցին։
Զեկույցում նշում է, որ Օսմանյան կայսրության ազդեցությունը վերականգնելու Թուրքիայի ցանկությունը կհանգեցնի Իսրայելի հետ առճակատման, որը հետագայում կարող է վերածվել ռազմական հակամարտության։
«Սիրիայից եկող վտանգը կարող է վերածվել ավելի վտանգավոր բանի, քան Իրանից եկողը»,-ասվում է զեկույցում՝ մատնանշելով, որ Թուրքիայի կողմից աջակցվող սիրիական ուժերը կարող են ապակայունացնել տարածաշրջանը։
Հունվարի 6-ին զեկույցը, իր առաջարկությունների հետ մեկտեղ, փոխանցվել է Իսրայելի վարչապետ Բենիամին Նեթանյահուին, պաշտպանության նախարար Իսրայել Կացին և ծայրահեղ աջակողմյան ֆինանսների նախարար Բեզալել Սմոտրիչին:
Առաջարկությունները ներառում են համապարփակ ռազմավարություն՝ ուղղված Իսրայելի հնարավոր սպառնալիքներին դիմակայելու համար: Առաջարկներից մեկն այն է, որ առաջիկա հինգ տարիների ընթացքում պաշտպանական բյուջեն ավելացվի տարեկան 15 միլիարդով (4,1 միլիարդ դոլար), որպեսզի իսրայելական բանակը կարողանա զերծ մնալ ցանկացած հարձակումից:
Զեկույցը հրապարակվել է այն ժամանակ, երբ Թուրքիայի նախագահ Ռեջեփ Թայիփ Էրդողանը հունվարի 6-ին հայտարարեց, որ Անկարան պատրաստ է միջամտել՝ կանխելու Սիրիայի ցանկացած մասնատումը և նաև «անհրաժեշտ միջոցներ» կձեռնարկի, եթե տեսնի «նույնիսկ ամենափոքր ռիսկը»:
Հետևեք մեզ տելեգրամում
