Թուրքիան ևս մեկ անգամ առաջարկել է Ռուսաստանին և Ուկրաինային բանակցություններ վարել իր տարածքում։ Այդ մասին հայտնել է Թուրքիայի ԱԳՆ-ի ղեկավար Հաքան Ֆիդանը TRT World-ին տված հարցազրույցի ընթացքում՝ Մյունխենի անվտանգության համաժողովի շրջանակներում:
«Մենք պետք է խորհրդակցենք Եվրոպայի հետ, նրանք պետք է մասնակցեն այդ ջանքերին, ինչպես և Թուրքիան: Մենք ճանաչում ենք նրանց իրավունքը՝ լինել բանակցային սեղանի շուրջ, բայց ցավոք, նույնը չենք տեսնում նրանց կողմից», – նշել է նախարարը։
Ֆիդանը ընդգծել է, որ Անկարան կարող է կողմերին առաջարկել ավելին, քան մի շարք այլ ուժեր, քանի որ Թուրքիան սերտ կապեր ունի ինչպես Մոսկվայի, այնպես էլ Կիևի հետ։
Հիշեցնենք, որ ավելի վաղ ռուս-ուկրաինական բանակցություններ անցկացվել էին Ստամբուլում, որի արդյունքում ձեռք էին բերվել պայմանավորվածոթւյուներ, սակայն դրանք չիրականացան:
Հետևեք մեզ տելեգրամում
