Իրանում ՀՀ դեսպան Գրիգոր Հակոբյանը հանդիպել է ԻԻՀ նախագահի ռազմավարական հարցերով տեղակալ Մոհամմադ Ջավադ Զարիֆի հետ: Տեղեկությունը հայտնում է իրանական ISNA լրատվամիջոցը:
Հանդիպման ընթացքում դեսպան Հակոբյանն ընդգծել է Իրանի հետ հարաբերությունները խորացնելու ՀՀ կամքը և նշել, որ տարածքային ամբողջականությունը, ազգային ինքնիշխանություն հարգելու և սահմանների անխախտելիության շուրջ ԻԻՀ դիրքորոշումը տարածաշրջանի կայունության ու անվտանգության կարևոր գործոններից է:
Զարիֆն իր հերթին ընդգծել է, որ Հայաստանի ու Ադրբեջանի միջև խաղաղության համաձայնության արագացումը բխում է տարածաշրջանի բոլոր երկրների շահերից: Նա շեշտել է խնդիրների լուծման, ինչպես նաև տրանսպորտային ուղիների, տարածաշրջանային համագործակցության զարգացման համար տարածաշրջանային կարողություններից օգտվելու անհրաժեշտությունը ՝ հաշվի առնելով երկրների ինքնիշխանությունը և ազգային օրենքները:
Հետևեք մեզ տելեգրամում
