Կրեմլում խոսել են ռուս-թուրքական հարաբերությունների վիճակի մասին

Մոսկվայի և Անկարայի միջև ամենաբարձր մակարդակով շփումները հնարավոր կլինեն, եթե անհրաժեշտ լինի։ Հարաբերությունների առկա մակարդակը թույլ է տալիս դրանք համաձայնեցնել մի քանի ժամվա ընթացքում՝ ТАСС-ին հայտնել է ՌԴ նախագահի մամուլի քարտուղար Դմիտրի Պեսկովը։

«Անհրաժեշտության դեպքում շփումներ կլինեն ամենաբարձր մակարդակով։ Մեր հարաբերություններն այնքան սերտ ու աշխատանքային են, որ բոլոր անհրաժեշտ շփումները համաձայնեցվում են հաշված ժամերի ընթացքում»,- ասել է Կրեմլի ներկայացուցիչը։

Կազանում ԲՐԻԿՍ-ի գագաթնաժողովում Թուրքիայի նախագահ Ռեջեփ Թայիփ Էրդողանը հայտարարել էր, որ ակնկալում է, որ Ռուսաստանի նախագահ Վլադիմիր Պուտինը կայցելի Թուրքիա «շատ կարճ ժամանակում»։ ՌԴ ղեկավարը նրան խոստացել էր, որ անպայման կգնա։