Մարտի 20-ին աշխատանքային այցով Հայաստանում գտնվող Վրաստանի վարչապետ Իրակլի Կոբախիձեն X հարթակում ներկայացրել է, թե ինչ են քննարկել Հայաստանի վարչապետ Նիկոլ Փաշինյանի հետ հանդիպմանը։
«Մեր քննարկումը ընդգրկուն էր՝ կենտրոնանալով մեր ռազմավարական գործընկերության, ինչպես նաև տարածաշրջանային և գլոբալ խնդիրների վրա։ Մարզական և մշակութային կապերի միջոցով ամրապնդված հարաբերությունները վերահաստատում են 2 ազգի միջև առկա խոր կապը։ Վստահ եմ, որ այս առիթը ավելի կխորացնի մեր համագործակցությունը և կնպաստի մեր ընդհանուր հաջողությանը»,-գրել է Կոբախիձեն։
ՀՀ վարչապետի գրասենյակի տարածած հաղորդագրության համաձայն՝ առանձնազրույցի ընթացքում անդրադարձ է կատարվել Հայաստան-Վրաստան հարաբերությունների օրակարգային հարցերի: Վարչապետ Փաշինյանն Իրակլի Կոբախիձեին տեղեկացրել է «Հայաստանի և Ադրբեջանի միջև խաղաղության և միջպետական հարաբերությունների հաստատման մասին համաձայնագրի» նախագծի տեքստի համաձայնեցման և նախագծի տեքստի համաձայնեցման շուրջ բանակցությունների ավարտի մասին։
Հետևեք մեզ տելեգրամում
