Իսրայելի կառավարությունը միաձայն կողմ է քվեարկել Ընդհանուր անվտանգության ծառայության (Շին Բետ) ղեկավարի պաշտոնում Ռոնեն Բարի ժամկետը դադարեցնելու օգտին։
«Կառավարությունը միաձայն հավանություն է տվել Շին Բետ-ի տնօրեն Ռոնեն Բարի պաշտոնավարման ժամկետը դադարեցնելու վարչապետի առաջարկին: Բարը լիազորությունները կավարտվի 2025 թվականի ապրիլի 10-ին կամ ավելի վաղ՝ ծառայության նոր տնօրենի նշանակումից հետո»,-ասվում է Իսրայելի վարչապետ Բենյամին Նեթանյահուի գրասենյակի տարածած հայտարարության մեջ:
Մարտի 16-ին Նեթանյահուն հայտարարեց Բարի նկատմամբ վստահության կորստի և նրան պաշտոնանկ անելու մտադրության մասին։ Այնուհետև վարչապետի գրասենյակից հայտնեցին, որ կաբինետի ղեկավարը հանդիպել է Բարին և տեղեկացրել, որ կառավարությանը կներկայացնի իր լիազորությունների ավարտի մասին որոշման նախագիծը։
Հետևեք մեզ տելեգրամում
