Պակիստանի զորքերը երեքշաբթի օրը ներխուժել են Հնդկաստանի տարածք՝ Պունչ հատված՝ Ջամու և Քաշմիր միության տարածք, և կրակ բացել Քաշմիրի հնդկական և պակիստանյան գոտիները բաժանող վերահսկողության գծի երկայնքով։
Ինչպես հաղորդում է Hindustan Times-ը՝ վկայակոչելով հնդիկ զինվորական ներկայացուցչին, հնդիկ զինվորականները «արդյունավետ, վերահսկվող և չափված պատասխան են տվել» անհիմն ներխուժմանը։
«Իրավիճակը վերահսկվում է: Հնդկական բանակը վերահաստատում է 2021 թվականին Հնդկաստանի և Պակիստանի զինված ուժերի միջև ձեռք բերված փոխըմբռնման սկզբունքների պահպանման կարևորությունը՝ վերահսկողության գծում խաղաղություն պահպանելու համար»,- ասել է Հնդկաստանի բանակի խոսնակը:
Քաշմիրը Հնդկաստանի և Պակիստանի միջև վիճելի տարածք է 1947 թվականից, երբ բրիտանական Հնդկաստանը, անկախություն ձեռք բերելով, կրոնական գծերով բաժանվեց երկու պետության: Քաշմիրը չունի պետական սահման. նրա տարածքը բաժանված է վերահսկողության գծով, որի երկայնքով Հնդկաստանն ու Պակիստանը պահպանում են հրադադարի ռեժիմը։
Հետևեք մեզ տելեգրամում
