Իրանի զինված ուժերի գլխավոր շտաբի ավագ ներկայացուցիչ, բրիգադային գեներալ Մորթեզա Միրիանը հայտարարություն է արել հայ-իրանական զորավարժությունների վերաբերյալ: Ըստ նրա՝ Իրանի և Հայաստանի միջև տեղի ունեցած համատեղ զորավարժությունների շրջանակներում Թեհրանի առաջնահերթություն է բոլոր երկրների հետ բարեկամական հարաբերություններ ունենալը և հարևան երկրների տարածքային ամբողջականությանը հարգանքով մոտենալը։
Նա նշել է, որ Իրանի ցամաքային ուժերը լավագույն ձևով իրականացրել են անհրաժեշտ քայլերը՝ գործողությունների նախագծման և բարեկամ ու եղբայրական Հայաստանի հետ համակարգման ուղղությամբ։ Միրիանն ընդգծել է, որ զորավարժությունները կազմակերպվել են համատեղ և լավ համաձայնեցված ձևով։
Ավելի վաղ Իսլամական հեղափոխության պահապանների կորպուսի ցամաքային զորքերի հրամանատարի տեղակալ Վալիոլլահ Մանին նշել էր, որ Հայաստանի և Իրանի համատեղ զորավարծությունները խաղաղ բնույթ են կրում:
Նրա խոսքով՝ դրանք տեղի են ունենում հայ-իրանական սահմանի Նորդուզ շրջանում՝ սահմանային անվտանգությունն ապահովելու նպատակով։
Հետևեք մեզ տելեգրամում
