Թեհրանի միջուկային ծրագրի շուրջ ԱՄՆ-Իրան բանակցությունների չորրորդ փուլը կարող է տեղի ունենալ այս շաբաթավերջին՝ մայիսի 10-11-ը։ ԱՄՆ նախագահի հատուկ դեսպանորդ Սթիվեն Վիտկոֆի համապատասխան խոսքերը X-ում մեջբերել է Axios-ի թղթակից Բարաք Ռավիդը։
«Ուիթկոֆն ինձ ասաց, որ ԱՄՆ-ն փորձում է համաձայնեցնել այս շաբաթավերջին Իրանի հետ միջուկային բանակցությունների շուրջ չորրորդ փուլի հարցը»,-գրել է նա։ «Եթե սա տեղի չունենա, դա կլինի միայն նախագահ ԱՄՆ Դոնալդ Թրամփի՝ Մերձավոր Արևելք կատարած այցի պատճառով»,-ասել է հատուկ դեսպանորդը։
Նրա խոսքով՝ Իրանի հետ բանակցությունները դրական են։ «Մենք որոշակի առաջընթաց ենք գրանցում։ Հուսով եմ՝ նրանք ճիշտ ուղղությամբ են շարժվում։ Նախագահը ցանկանում է, որ հարցը հնարավորության դեպքում լուծվի դիվանագիտական ճանապարհով, ուստի մենք անում ենք ամեն ինչ, որպեսզի այդ ուղղության մեջ մնան»,-հավելել է Վիտկոֆը։
Հիշեցնենք, որ Իրանի միջուկային ծրագրի շուրջ ստեղծված ճգնաժամը կարգավորելու նպատակով Թեհրանի և Վաշինգտոնի միջև բանակցությունների հերրթական փուլը պետք է կայանար Հռոմում մայիսի 3-ին, սակայն հետաձգվել էր Օմանի արտաքին գործերի նախարարի առաջարկով։ Օմանի ԱԳ նախարարը նշել է, որ բանակցությունների հետաձգման պատճառը լոգիստիկ բնույթի է։
Հետևեք մեզ տելեգրամում
