Հնդկաստանը ՄԱԿ-ի Անվտանգության խորհրդի անդամ-երկրների դեսպաններին տեղեկացրել է Պակիստանի դեմ իր ռազմական «Սինդուր» գործողության մասին՝ նշելով, որ այն ուղղված չէր լարվածության սրմանը, այլ զսպմանը։ Այս մասին հայտնել է «Հինդու» թերթը՝ հղում անելով կառավարական աղբյուրներին։
Գործողության մեկնարկից մի քանի ժամ անց Հնդկաստանի արտաքին գործերի նախարարի առաջին տեղակալ Վիկրամ Միսրին հանդիպում է անցկացրել ՄԱԿ-ի Անվտանգության խորհրդի մշտական և ոչ մշտական անդամ պետությունների ներկայացուցիչների հետ։ Ըստ Hindu-ի, դրան մասնակցել են Ռուսաստանի, Չինաստանի, ԱՄՆ-ի, Մեծ Բրիտանիայի, Ֆրանսիայի և ոչ մշտական անդամ պետությունների՝ Ալժիրի, Դանիայի, Հունաստանի, Գայանայի, Պանամայի, Հարավային Կորեայի, Սլովենիայի, Սոմալիի դեսպանները։
Միսրին դիվանագետներին տեղեկացրել է, որ Հնդկաստանի կողմից Պակիստանի վրա հարվածները սրացում չեն, այլ պատասխան են Փահալգամում տեղի ունեցած ահաբեկչական հարձակմանը։ Նա ընդգծել է, որ գործողությունը «նպատակային, չափված և առանց էսկալացիայի» էր և նպատակ ուներ զսպել ու կանխել Հնդկաստանի դեմ նախատեսված հետագա հարձակումները։ Միսրին ընդգծել է, որ Հնդկաստանը կարձագանքի Պակիստանի կողմից ցանկացած ռազմական սրացմանը։
Հետևեք մեզ տելեգրամում
