Իսրայելի պաշտպանության նախարար Իսրայել Կացն այսօր Թել Ավիվում հանդիպել է Ադրբեջանի ՊՆ ղեկավար Զաքիր Հասանովի հետ՝ անվտանգության ոլորտում երկկողմ համագործակցությունն ամրապնդելու նպատակով: Այդ մասին նշվել է Իսրայելի պաշտպանության նախարարության հայտարարության մեջ։
Հանդիպման ընթացքում Կացը բարձր է գնահատել երկու երկրի միջև խոր ռազմավարական դաշինքը՝ նշելով ընդհանուր շահերն ու փոխադարձ վստահությունը։ Նա շնորհակալություն է հայտնել Հասանովին հոկտեմբերի 7-ին ՀԱՄԱՍ-ի կողմից զանգվածային հարձակումից հետո Ադրբեջանի ցուցաբերած աջակցության, ինչպես նաև Իսրայելի և Թուրքիայի միջև միջնորդական ջանքերի համար։
Կացը նաև նշել է «Եվրատեսիլում» Ադրբեջանի քվեարկության արդյունքները, որտեղ Իսրայելը ստացել է ժյուրիի առավելագույն միավորները՝ դա անվանելով երկու պետությունների և ժողովուրդների միջև բարեկամության իսկական նշան։
Կողմերը համաձայնության են եկել ընդլայնելու համագործակցությունը պաշտպանության ոլորտում։
Ադրբեջանի պաշտպանության նախարարությունը չի հաղորդել Զաքիր Հասանովի՝ Իսրայել այցի մասին։
Հետևեք մեզ տելեգրամում
