Ռուսաստանում գտնվող Թուրքիայի ԱԳՆ-ի ղեկավար Հաքան Ֆիդանը Ռուսաստանի արտգործնախարար Սերգեյ Լավրովի հետ հանդիպումից հետո տեղի ունեցած մամուլի ասուլիսին անդրադարձել է Հարավային Կովկասի հարցին:
«Եվս մեկ անգամ ցանկանում եմ նշել, որ աջակցում ենք Ռուսաստանին և Թուրքիային հետաքրքրող համատեղ տարածաշրջան հանդիսացող Հրվ․ Կովկասում խաղաղության գործընթացին»-նշել է Ֆիդանը, հավելելով, որ Անկարան աջակցում է Ադրբեջանի ղեկավարության՝ տարածաշրջանի կարգավորմանն ուղղված քայլերին:
Անդրադառնալով ռուս-թուրքական հարաբերություններին, Թուրքիայի ԱԳՆ-իղեկավարը նշել է, որ Թուրքիա-Ռուսաստան հարաբերություններն ավելի քան երբևէ կարևոր դեր ունեն տարածաշրջանում կայունության և անվտանգության ապահովման գործում։
«Մենք ջանքեր ենք գործադրում Ռուսաստանից բնական գազի մատակարարումը շարունակելու և «Աքքույու» ԱԷԿ-ը հնարավորինս շուտ շահագործել մեկնարկելու համար։ Մենք ցանկանում ենք խորացնել երկկողմ հարաբերություններն այնպես, որ դրանք ազդեցություն չկրեն աշխարհաքաղաքական մարտահրավերներից»
Ուկրաինայի հարցի վերաբերյալ Ֆիդանը ընգծել է.
«Մոսկվայում ունեցածս հանդիպումներում, բնականաբար, կարևոր տեղ է զբաղեցրել Ռուսաստան-Ուկրաինա պատերազմը։ Հրգ․ Պուտինն անձամբ պատվիրակություն էր լիազորել՝ մեկնելու Ստամբուլ, ինչը հնարավոր դարձրեց բանակցություններից համեմատաբար դրական արդյունքներ ստանալ։ Հույս ունենք, որ առաջիկայում բանակցությունները կբերեն արագ հրադադարի, ապա՝ կայուն խաղաղության հաստատման։ Ինչպես մեր նախագահ հարգ․ Էրդողանը հայտնել է բոլոր կողմերին, Թուրքիան միշտ պատրաստ է այս գործընթացում ցուցաբերել ամեն տեսակի աջակցություն։ Իմ այս հանդիպումներում նույնպես հայտնել եմ, որ պատրաստ ենք հյուրընկալել հաջորդ բանակցությունները »։
Կողմերը նաև անդրադարձել են Սիրիայի ու Գազայի հարցին:
Հետևեք մեզ տելեգրամում
