Սպիտակ տանը տեղի ունեցած փակ հանդիպումն ավարտվել է առանց Իրանին հարվածելու որոշում կայացնելու, հաղորդում է The Wall Street Journal-ը՝ հղում անելով իր աղբյուրներին։
Հանդիպման ժամանակ «քննարկված մի քանի տարբերակներից մեկը» Թեհրանի դեմ Վաշինգտոնի ռազմական մասնակցությունն էր,սակայն ԱՄՆ ղեկավարությունը չի կարողացել որոշում կայացնել: Թերթը միաժամանակ ընդգծում է, որ նման քննարկման փաստն ինքնին մեծացնում է լարվածության աստիճանը, քանի որ պարզ է դաձել, որ ԱՄՆ-ն քննարկում է իրանական խնդրի ուժային լուծման հնարավորությունը։
Ավելի վաղ ABC News-ը հայտնել էր, որ Վաշինգտոնի՝ Իրանի դեմ Իսրայելի ռազմական գործողությանը միանալու որոշումը կարող է կայացվել առաջիկա 24-48 ժամվա ընթացքում։ Իսրայելական հեռուստատեսության 12-րդ ալիքի հաղորդմամբ՝ Իսրայելի պաշտոնյաները նույնպես կարծում են, որ ԱՄՆ-ն մոտ է իսրայելական գործողությանը մասնակցելուն։
Իրանի պետական հեռուստատեսությունը հաղորդել է, որ եթե ԱՄՆ-ն հարձակվի, Իրանը կփակի Հորմուզի նեղուցը։ Տարածաշրջանում ԱՄՆ բազաները կդառնան թիրախ։
Հետևեք մեզ տելեգրամում
