Իրանը միշտ հարգել է Վրաստանի տարածքային ամբողջականությունն ու ինքնիշխանությունը՝ աջակցելով նրան ոչ միայն քաղաքականապես, այլև տնտեսապես, լրագրողներին հայտարարել է Վրաստանում Իրանի արտակարգ և լիազոր դեսպան Մահմուդ Ադիբը։
«Իրանի և Վրաստանի միջև բարեկամական հարաբերությունների հիման վրա Իրանը միշտ աջակցել և հարգել է Վրաստանի տարածքային ամբողջականությունն ու ինքնիշխանությունը։ Վրաստանին մեր աջակցությունը պայմանավորված է ոչ միայն քաղաքական բաղադրիչով, այլև մենք միշտ էլ Վրաստանի կողքին ենք եղել տնտեսական տեսանկյունից կրիտիկական իրավիճակներում»,-ասել է Ադիբը։
Տնտեսական աջակցության օրինակ, ըստ դիվանագետի, 2006 թվականի գազային ճգնաժամի ժամանակ ցուցաբերված օգնությունն էր, երբ Իրանը Վրաստանին բնական գազ էր մատակարարում։
Հետևեք մեզ տելեգրամում
