Թուրքիան կբարձրացնի նավերի տարանցման արժեքը

Թուրքիայում երեք տարվա ընթացքում չորրորդ անգամ կբարձրանա այսպես կոչված «ոսկե ֆրանկի» արժեքը (սա թուրքական չափանիշ է, որով որոշվում է Բոսֆորի և Դարդանելի նեղուցներով նավարկության արժեքը): Հուլիսի 1-ից «ոսկե ֆրանկը» կբարձրանա 15 տոկոսով և կկազմի մեկ տոննայի համար 5.83 ԱՄՆ դոլար։

Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն նշել է, որ 39 տարվա ընթացքում՝ մինչև 2022 թվականը, «ոսկե ֆրանկի» արժեքը մնացել է անփոփոխ՝ կազմելով 0.8 դոլար։
«Այս տարի մենք 7.2 անգամ կբարձրացնենք անցման վճարը՝ 2022 թվականի համեմատ», -ասել է Ուրալօղլուն։