Վորոնեժում ձերբակալվել է ադրբեջանցի գործարար և Ալեքսեևսկի շուկայի համասեփականատեր Յուսիֆ Խալիլովը:
Համացանցում հայտնվել են կադրեր, որոնցում, ենթադրաբար, հատուկ նշանակության ուժերը գրոհում են Խալիլովի առանձնատունը և ստիպում նրան դեմքով գետնին պառկել։
Խալիլովը Վորոնեժի մարզում ադրբեջանական սփյուռքի պատասխանատուն է։ Այլ մանրամասներ, ինչպես նաև պաշտոնական մեկնաբանություններ դեռևս չկան։
Հիշեցնենք, որ հունիսի 30-ին Ադրբեջանի իրավապահ մարմինները իրենց հերթին գործողություն էին իրականացրել «Սպուտնիկ Ադրբեջան» լրատվական գործակալության գրասենյակում:
Նույն օրը Ռուսաստանում Ադրբեջանի դեսպան Ռահման Մուստաֆաևը՝ Եկատերինբուրգում իրավապահների գործողությունների կապակցությամբ ռուսական կողմին է փոխանցել պաշտոնական Բաքվի բողոքի նոտան:
Ռուսաստանի արտաքին գործերի նախարարությունն ավելի վաղ հայտնել էր, որ ՌԴ-ում Ադրբեջանի դեսպանին բողոք է հայտնվել՝ Բաքվի վերջին ոչ բարեկամական գործողությունների և երկկողմ հարաբերությունների խաթարմանը գիտակցաբար ուղղված քայլերի կապակցությամբ: ՌԴ ԱԳՆ-ն նաև պահանջել է ազատ արձակել Բաքվում ձերբակալված ռուսաստանցի լրագրողներ Իգոր Կարտավիխին և Եվգենի Բելոուսովին:
Հուլիսի 1-ին Ռուսաստանում ձերբակալվել է նաև Ուրալի ադրբեջանական համայնքի ղեկավարը։
Հետևեք մեզ տելեգրամում
