ԱՄՆ դեսպանատունը Վրաստանի քաղաքացիներին զգուշացրել է դեսպանատան աշխատակիցների կողմից վիզայի հնարավոր մերժման մասին, եթե վերջիններս կասկածեն, որ նրանք ճանապարհորդում են ծննդաբերության համար:
ԱՄՆ-ն այն երկրներից մեկն է, որտեղ իր տարածքում ծնված երեխան ստանում է այդ երկրի քաղաքացիություն: ԱՄՆ գաղթել ցանկացողները հաճախ օգտվում են այս հնարավորությունից:
«Անընդունելի է վիզան օգտագործել միայն ծննդաբերության համար՝ ձեր երեխային ԱՄՆ քաղաքացիություն տրամադրելու նպատակով: Հյուպատոսական պաշտոնյաները կմերժեն վիզա տրամադրել, եթե հիմքեր ունենան կասկածելու, որ սա է ձեր ճանապարհորդության նպատակը»,-ասվում է դեսպանատան հայտարարության մեջ:
ԱՄՆ Պետդեպարտամենտի տվյալներով՝ 2024 ֆինանսական տարում Թբիլիսիում ԱՄՆ դիվանագիտական առաքելությունը տրամադրել է ընդհանուր առմամբ 12,305 վիզա, որոնցից 2,785-ը՝ ներգաղթային, իսկ 9,520-ը՝ ոչ ներգաղթային։ Վերլուծական աղբյուրների տվյալներով՝ Վրաստանի քաղաքացիների մերժման մակարդակը կազմել է 41.44%։
Հետևեք մեզ տելեգրամում
