Պաղեստինյան «ՀԱՄԱՍ» շարժումը կոչ է անում միջազգային հանրությանը արդյունավետ միջոցներ ձեռնարկել՝ կանխելու Իսրայելի կողմից Գազայի հատվածում գործողությունների ընդլայնումը և անկլավի ամբողջ տարածքի ռազմական ուժով գրավումը: Այս մասին TASS-ի թղթակցին հայտնել է Իրանում կազմակերպության ներկայացուցիչ Խալեդ ալ-Կադումին։
«Այսօր աշխարհը պետք է աջակցի մեր ճնշված ժողովրդին և օգտագործի արդյունավետ գործիքներ՝ կանխելու համար Նեթանյահուի և նրա ավազակախմբի` մեր ժողովրդի դեմ ռազմական հանցագործությունների շարունակությունը, որոնք սրել են սովը և հանգեցրել մեր երեխաների և ընտանիքների սովամահության»,-ասել է նա:
Կադումին ընդգծել է, որ նույնիսկ Նեթանյահուի կողմից հավաքագրված Իսրայելի ռազմական ղեկավարությունը «դեմ է այնպիսի խելագար գաղափարներին, ինչպիսին է Գազայի հատված ներխուժումը»։
Անդրադառնալով բանակցությունների հնարավոր շարունակությանը, գործակալության զրուցակիցը ընդգծել է, որ «Նեթանյահուն չի ցանկանում համաձայնության գալ» հրադադարի վերաբերյալ։
«Ընդհակառակը, նա ոչնչացրել է համաձայնության հասնելու բոլոր հույսերը և շարունակում է սպանել մեր ժողովրդին ամբողջ աշխարհի աչքի առաջ»,-ասել է ալ-Կադումին։
Հետևեք մեզ տելեգրամում
