«Եվրաեռյակ»-ը դիմել է ՄԱԿ-ին՝ Իրանի դեմ պատժամիջոցների երկարաձգման հարցով

«Եվրաեռյակի» երկրները (Մեծ Բրիտանիա, Գերմանիա և Ֆրանսիա) դիմել են ՄԱԿ-ին՝ Թեհրանի դեմ ՄԱԿ-ի Անվտանգության խորհրդի պատժամիջոցները վերականգնելու մեխանիզմ գործարկելու համար, եթե Իրանի միջուկային ծրագրի շուրջ բանակցությունները չվերսկսվեն: Այս մասին հաղորդում է Financial Times-ը՝ հղում անելով երեք երկրների արտաքին գործերի նախարարների՝ ՄԱԿ-ի գլխավոր քարտուղար Անտոնիո Գուտերեշին և ՄԱԿ-ի Անվտանգության խորհրդին ուղղված նամակին:

«Մենք հստակեցրել ենք, որ եթե Իրանը չցանկանա դիվանագիտական լուծման հասնել մինչև 2025 թվականի օգոստոսի վերջը, EU three-ը պատրաստ է գործարկել մեխանիզմը», – ասվում է նամակում։

Ավելի վաղ Axios-ը, հղում անելով աղբյուրներին, հայտնել էր, որ ԱՄՆ-ն, Մեծ Բրիտանիան, Գերմանիան և Ֆրանսիան համաձայնել են Իրանի հետ միջուկային համաձայնագրի կնքման վերջնաժամկետ սահմանել 2025 թվականի օգոստոսի վերջը։