Ղազախստանը վավերացրել է միգրացիոն գործընթացների կարգավորման և համագործակցության մասին համաձայնագիրը Հայաստանի հետ։
Համաձայանգրով նախատեսվում է, որ երկու երկրների համապատասխան մարմինները կփոխանակվեն քաղաքացիների վերաբերյալ տվյալներով, ինչպես նաև միգրացիոն օրենսդրության խախտումների մասին տեղեկատվությամբ։ Նշվում է, որ փաստաթուղթը հնարավորություն կտա ավելի արդյունավետ պայքարել անօրինական միգրացիայի և երկքաղաքացիության դեպքերի դեմ։
Համաձայնագրով պարզեցվել են նաև քաղաքացիների տեղափոխման պայմանները։Մասնավորապես Ղազախստանի քաղաքացիները կկարողանան Հայաստան մուտք գործել ներքին անձնագրով, իսկ Հայաստանի քաղաքացիները՝ առանց վիզայի գտնվել Ղազախստանում մինչև 90 օր։ Նշված ժամկետի ավարտից հետո նրանք հնարավորություն կունենան ստանալու ժամանակավոր կացության թույլտվություն՝ աշխատանքի, ուսման, բիզնեսի կամ այլ նպատակներով։
Հետևեք մեզ տելեգրամում
