Թուրքիայի նախագահականի ապատեղեկատվության դեմ պայքարի կենտրոնը հերքել է իսրայելական որոշ լրատվամիջոցներում տարածված այն տեղեկությունը, որ Թուրքիան մասնակցություն ունի Իսրայելի ազգային անվտանգության նախարար Իթամար Բեն-Գվիրի դեմ մահափորձի գործում։
«Մեր երկրի հիշատակումը իսրայելցի նախարարի դեմ դավադրության մասին լուրերում, որը հայտնվել է որոշ իսրայելական լրատվամիջոցներում, Թուրքիայի դեմ ուղղված ապատեղեկատվության արշավի արդյունք է։ Հայտնի է, որ այս իրադարձությունը, որը իսրայելական մամուլը ներկայացնում է որպես նոր, իրականում վերաբերում է ութ ամիս առաջ տեղի ունեցած միջադեպին: Ավելին, ձերբակալվածների այն պնդումները, որ նրանք կապ չունեն Թուրքիայի հետ, հաստատվել են Կարմիր խաչի ներկայացուցիչների կողմից»,-ասվում է կենտրոնի հայտարարության մեջ։
Նախագահականից նշել են, որ նման լուրերի տարածման հիմնական նպատակը «միջազգային հանրության մոտ Թուրքիայի մասին միտումնավոր կեղծ տպավորություն ստեղծելն է՝ այդպիսով խաթարելով վերջինիս քաղաքականությունը Պաղեստինի նկատմամբ»։
Հետևեք մեզ տելեգրամում
