Սլովակիայի Հանրապետության մայրաքաղաք Բրատիսլավա կատարած աշխատանքային այցի ընթացքում ՀՀ ԱԽ քարտուղար Արմեն Գրիգորյանը հանդիպել է Սլովակիայի Արտաքին գործերի և եվրոպական հարցերի նախարարության պետքարտուղար Մարեկ Էշտոկի հետ:
Արմեն Գրիգորյանը և Մարեկ Էշտոկն ընդգծել են Հայաստան-Սլովակիա ակտիվ քաղաքական երկխոսության և վերջինս ընդլայնելու նպատակով բարձրաստիճան փոխայցելությունների կարևորությունը:
Զրուցակիցները մտքեր են փոխանակել Հայաստան-Սլովակիա գործընկերության խորացման ուղղությամբ՝ նախանշելով հիմնական ուղղությունները: Կողմերը քննարկել են նաև Հայաստան-ԵՄ համագործակցության ընդլայնման ուղղությամբ Հայաստանի ինստիտուցիոնալ կարողությունների զարգացումը:
ԱԽ քարտուղարը Պետքարտուղարի խնդրանքով ներկայացրել է Հայաստանի և Ադրբեջանի միջև հարաբերությունների կարգավորման գործընթացում ձեռքբերված հիմնական պայմանավորվածությունները:
Հետևեք մեզ տելեգրամում
