Իսրայելը կոշտ պատասխան է պատրաստում Փարիզի կողմից Պաղեստինի հնարավոր ճանաչման դեպքում

Իսրայելը պատրաստվում է կոշտ միջոցներ ձեռնարկել Ֆրանսիայի դեմ՝ ի պատասխան Փարիզի՝ Պաղեստինի պետականությունը ճանաչելու մտադրության։ Այս մասին հաղորդում է Politico-ն՝ հղում անելով աղբյուրներին։

Երկու եվրոպացի պաշտոնյաների և Իսրայելի կառավարության դիրքորոշմանը ծանոթ փորձագետի խոսքով՝ Իսրայելը «պատրաստում է մի քանի տարբերակ»։ Դրանք կարող են ներառել Արևմտյան ափի անեքսիայի արագացումը, որտեղ գործում է Պաղեստինի ազգային վարչակազմը։ Հնարավոր միջոցառումների փաթեթը ներառում է Երուսաղեմում Ֆրանսիայի հյուպատոսության փակում և Իսրայելում Ֆրանսիային պատկանող վայրերի ու տարածքների դեմ քայլեր ձեռնարկում, ինչպիսիք են Էլեոնի սրբավայրը՝ քրիստոնյաների ուխտագնացության վայրը։

Իսրայելի փոխարտգործնախարար Շարեն Հասկելն ավելի վաղ ֆրանսիական ռադիոյին տված հարցազրույցում հայտարարել էր, որ «Երուսաղեմում Ֆրանսիայի դիվանագիտական ​​առաքելության փակումը, որը գոյություն ուներ մինչև Իսրայելի պետության ստեղծումը 1948 թվականին, վարչապետ Բենյամին Նեթանյահուի օրակարգում է»