Սիրիայում թուրքական զինված ուժերի ստորաբաժանումների ներկայությունը կարող է վերանայվել միայն Սիրիայի սահմանային անվտանգությունն ամբողջությամբ ապահովելուց հետո, Անկարայում լրագրողներին հայտնել են Թուրքիայի պաշտպանության նախարարության աղբյուրները։
«Թուրքիայի զինված ուժերը Սիրիայում են՝ հիմնվելով միջազգային իրավունքով սահմանված ինքնապաշտպանության իրավունքի վրա՝ մեր երկրի և սահմանների անվտանգությունն ապահովելու, ահաբեկչության դեմ պայքարելու և ահաբեկչական միջանցքի ստեղծումը կանխելու համար։ Սիրիայից մեր զորքերի դուրսբերումը այն հարցն է, որը կարող է վերանայվել միայն մեր սահմանների լիակատար անվտանգության և ահաբեկչական սպառնալիքի լիակատար վերացման դեպքում», – նշել են աղբյուրները։ Սա նախարարության մեկնաբանությունն էր այն մասին, թե արդյոք Սիրիայում ստեղծված իրավիճակը ազդում է երկրի հյուսիսային շրջաններում տեղակայված թուրքական զորքերի կարգավիճակի և ժամկետի վրա։
Հետևեք մեզ տելեգրամում
