Նյու Յորքում Պաղեստինի հարցով համաժողովում Թուրքիայի նախագահ Ռեջեփ Թայիփ Էրդողանի ելույթը չի ընդհատվել, պարզապես նա գերազանցել է պաշտոնական ժամանակը։ Նման պարզաբանմամբ է հանդես եկել Էրդողանի հանրային կապերի վարչությունը:
«ՄԱԿ-ի Գլխավոր ասամբլեայի շրջանակներում անցկացվող համաժողովի կանոնակարգի համաձայն՝ պետությունների և կառավարությունների ղեկավարների ելույթների համար հատկացվել է հինգ րոպե, իսկ մյուս ելույթ ունեցողների համար՝ երեք րոպե։ Այս համատեքստում Թուրքիայի նախագահի ելույթը սահմանափակվել է հինգ րոպեով։ Հետևաբար, խոսք չկա նրա խոսքը ընդհատելու կամ խոչընդոտելու մասին»,-X-ում գրել է վարչությունը:
«Մեր նախագահի ելույթը գերազանցեց հատկացված ժամանակը ընդհատվող ծափահարությունների պատճառով։ Տեխնիկական խնդիրների պատճառով բարձրախոսն ավտոմատ կերպով անջատվեց հինգ րոպե անց։ Կարճ ժամանակ անց մեր նախագահն ավարտեց իր ելույթը։ Նույն կերպ, բարձրախոսն անջատվեց Ինդոնեզիայի նախագահի ելույթի ժամանակ»,-հավելել են վարչությունից։
Նշենք, որ Էրդողանի բարձրախոսն անջատվել էր նրա ելույթի ավարտից մոտ մեկուկես րոպե առաջ:
Հետևեք մեզ տելեգրամում
