Բելգիան միացել է այն երկրների խմբին, որոնք ճանաչել են Պաղեստինը որպես պետություն։ Այս մասին հայտարարել է Բելգիայի վարչապետ Բարտ դե Վևերը ՄԱԿ-ի Գլխավոր ասամբլեայի նստաշրջանի շրջանակներում։
«Բելգիան միշտ պաշտպանել է «երկու պետություն» սկզբունքը և այսօր միացել է Նյու Յորքի հռչակագրի ստորագրողներին։ Միայն նման լուծումը թույլ կտա Իսրայելի և Պաղեստինի ժողովուրդներին ապրել կողք կողքի խաղաղության և անվտանգության մեջ»,-նշել է վարչապետը։
«Իսրայելցի քաղաքական գործիչների, այդ թվում՝ վարչապետ Նեթանյահուի վերջին հայտարարությունները, որ Պաղեստին պետություն գոյություն չի ունենա, լրացուցիչ պատճառ են այս հարցում պաղեստինցիներին աջակցելու համար: Հետևաբար, Բելգիան այսօր աշխարհին հզոր քաղաքական ազդանշան է ուղարկում՝ միանալով այն երկրների խմբին, որոնք ՄԱԿ-ի Գլխավոր ասամբլեայի շրջանակներում հայտարարեցին Պաղեստին պետությունը ճանաչելու մասին»,-ընդգծել է Դե Վևերը:
Հետևեք մեզ տելեգրամում
