Չեխիան պատժամիջոցներ է կիրառել Վրաստանի հինգ քաղաքացիների նկատմամբ

Չեխիայի Հանրապետությունը պատժամիջոցներ է կիրառել վրացի հինգ բարձրաստիճան պաշտոնյաների նկատմամբ։ Այս մասին հայտնել է ČTK լրատվական գործակալությունը՝ հղում անելով Չեխիայի արտաքին գործերի նախարար Յան Լիպավսկիին։

Պատժամիջոցների ազգային ցուցակում ավելացվել են երեք դատավորներ՝ Կոբա Չագունավան, Նինո Գալուստաշվիլին, Միխեիլ Ջինջոլիան, դատախազ Լաշա Կոտրիկաձեն և Վրաստանի արտաքին գործերի փոխնախարար Ալեքսանդրե Դարախվելիձեն։ Հայտարարության համաձայն՝ նրանք պատասխանատու են «անցյալ տարի և այս տարի բողոքի ցույցերի դաժան ճնշման համար»։

Նրանց արգելվում է մուտք գործել Չեխիայի Հանրապետություն և չեխական կազմակերպությունների հետ ցանկացած ֆինանսական գործարք կատարել։ Ավելին, երկրում նրանց բոլոր ակտիվները կսառեցվեն։