Իսրայելի հարձակումների բովում գտնվող Գազային ի աջակցություն հոկտեմբերի 5-ին Ստամբուլում անցկացվել է «Քայլում ենք դեպի ազատության» խորագրով քայլերթը, որը մեկնարկել է Սուրբ Սոֆիայի (Այա Սոֆիա) հրապարակից և հասել Էմինոնյու թաղամաս։ Այդ մասին հայտնում է«Ermenihaber.am»-ը։
Ընդգծվում է, որ նմանատիպ միջոցառումներ տեղի են ունեցել նաև Անկարայում, Իզմիրում և մի շարք այլ քաղաքներում։
Ստամբուլի Ուսքյուդար (Սկյուտար) թաղամասում էլ շարունակվել է հումանիտար օգնություն հասցնելու համար Գազա ուղևորված «Սումուդ» նավատորմին աջակցող խմբի հավաքը։
Հիշեցնենք, որ ավելի վաղ Թուրքիայի արտաքին գործերի նախարարությունը կոշտ հայտարարությամբ դատապարտել էր Իսրայելի գործողությունը միջազգային ջրերում, որի թիրախում հայտնվել էր Գազայի բնակչությանը մարդասիրական օգնություն հասցնող «Global Sumud» նավատորմը։ Հաղորդագրության մեջ նշվել էր, որ հարձակումը «մեղավոր ու անմեղ չտարբերող, խաղաղամետ քաղաքացիական անձանց կյանքը վտանգող ահաբեկչական գործողություն է»։
Իսրայելական բանակի կողմից ձերբակալվել էին նաև Թուրքիայի քաղաքացիներ, որոնց ազատ արձակման համար Թուրքիան ի պաշտոնե մի քանի օր էր խոստացել:
Հետևեք մեզ տելեգրամում
