Վրաստանի խորհրդարանի փոխխոսնակ Մամուկա Մդինարաձեն հանդես է եկել հայտարարությամբ՝ շնորհակալություն հայտնելով Ուկրաինայի Գերագույն ռադայի իր գործընկերներին խոհեմության և Միխայիլ Սաակաշվիլուն երկրի փոխվարչապետ նշանակելուց հրաժարվելու համար:
«Ես ուզում եմ ասել Ռադային և մեր գործընկերներին, նրանց մեծ մասին, մեծ շնորհակալություն` խոհեմության և մեր դիրքորոշումը կիսելու համար։ Փաստը, որ Ռադայում հաշվի չի առնվել նրա թեկնածությունը տվյալ պաշտոնի համար»,- ասել է նա։
Մդինարաձեն նաև նշել է, որ չի կարելի հանցագործին նշանակել ինչ-որ քաղաքական պաշտոնի բարեկամ երկրում։ Նա վստահություն է հայտնել, որ խորհրդարանը գործում էր այնպես, ինչպես կաներ ցանկացած ինքն իրեն հարգող երկրի օրենսդիր մարմինը։
Հետևեք մեզ տելեգրամում
