ԱՄՆ նախագահ Դոնալդ Թրամփը վետո է դրել ԱՄՆ Կոնգրեսի ներկայացրած բանաձևի վրա, որով սահմանափակվում են իր լիազորությունները՝ կապված Իրանի դեմ զինված ուժերն օգտագործելու հետ: Այս մասին մայիսի 6-ին հայտարարություն է տարածել Սպիտակ տան մամուլի ծառայությունը։
Նշենք, որ բանաձևով Թրամփը կարողանալու էր Իրանի դեմ զինված ուժերն օգտագործել միայն օրենսդիրների կողմից տրված համապատասխան թույլտվության պարագայում:
Թրամփի խոսքերով, այս բանաձևը վիրավորական էր։ Նա գտնում է, որ փաստաթութղթը հիմնված է «փաստերի և օրենքի սխալ ըմբռնման վրա» և պնդում է, որ իրանցի գեներալ Ղասեմ Սուլեյմանիի սպանությունը «լիովին թույլատրված է եղել (ամերիկյան) օրենքով»։
«Մենք ապրում ենք ծագող սպառնալիքների թշնամական աշխարհում, և սահմանադրությունն ընդունում է, որ նախագահը պետք է կարողանա կանխատեսել մեր հակառակորդների հետագա քայլերը և արագ և վճռական պատասխան միջոցներ ձեռնարկի։ Ահա թե ինչ եմ ես արել»,- ասել է Թրամփը։
Ավելի վաղ ԱՄՆ ներկայացուցիչների պալատի խոսնակ Նենսի Փելոսին նախաձեռնությամբ էր հանդես եկել, որով սահմանափակվում էր Թրամփի լիազորությունները Իրանում այն բանից հետո, երբ հունվարի 3-ին ԱՄՆ-ը երկու հրթիռային հարված հասցրեց Բաղդադի օդանավակայանի տարածքի ուղղությամբ։ Արդյունքում սպանվեց Իսլամական հեղափոխության պահապանների կորպուսի գեներալ Ղասեմ Սուլեյմանին։
Հետևեք մեզ տելեգրամում
